Demalys kúnderi Astanada aýa raıy jaýyn-shashynsyz bolady
ASTANA. 31 tamyz. QazAqparat - Elordada jumys kúnderi aýa raıy qubylmaly boldy. Aptanyń birinshi jartysynda kún jyly bolsa, aptanyń sońynda aýa raıy kúrt sýytyp, jańbyr jaýdy. Demalys kúnderi de salqyn bolady, jańbyr jaýmaıdy. Bul týraly astana.kz saıtyna «Qazgıdromet» RMK habarlady.
Astanada aldaǵy kúnderi kóshpeli bult shyǵady, jańbyr jaýmaıdy. Túnde aýa temperatýrasy +6+10°C, kúndiz +18+23°C bolady.
«Senbi kúni Astanada kún ala bultty, jaýyn-shashynsyz bolady. Batystan 5-10 m/s jyldamdyqpen jel soǵady. Túnde aýa temperatýrasy +6+8°C, kúndiz +18+20°C bolady», - dep habarlaıdy «Qazgıdromet».
Jeksenbi kúni barlyq astanalyqtar bilim kúnin atap ótedi, kún jyly, jaýyn-shashynsyz bolady.
«Erteń elordada kún ala bultty bolady, jańbyr jaýmaıdy. Ońtústik-batystan 5-10 m/s jyldamdyqpen jel soǵady. Túnde aýa temperatýrasy +8+10°C, kúndiz +21+23°C bolady»,- delingen aqparatta.
