Demalys kúnderi Astanada 748 júrgizýshi jolda júrý erejelerin buzdy
ASTANA. 13 maýsym. QazAqparat - Demalys kúnderi Astana qalasynyń jol polıtseıleri jolda júrý erejelerin buzǵan 748 júrgizýshini anyqtady.
Qalalyq Jol polıtsııasy basqarmasynan málim etkendeı, 748 júrgizýshiniń 21-i temir tulparyn mas kúıinde basqarǵany úshin ustaldy, 79-yna jyldamdyqty belgilengen mejeden asyrǵany úshin ákimshilik hattamalar toltyryldy. Sondaı-aq osy kúnderi polıtseılerdiń quryǵyna joldyń qarama-qarsy betine shyǵyp ketip, erejeni buzǵan - 10, kóligi qanaǵattanarlyqsyz tehnıkalyq jaǵdaıda bolǵany úshin - 16, mashınany qujattarsyz basqarǵan - 15 jáne qozǵalys barysynda uıaly telefondy paıdalanǵan 43 júrgizýshi tústi. 21 kólik aıypturaǵyna jetkizildi.
