Demalys kúnderi Astanada 6 adam, sonyń ishinde 4 bala kómirqyshqyl gazyna ýlanyp qaldy

QR Tótenshe jaǵdaılar mınıstrligi taratqan aqparatqa súıensek, 9 qazan kúni saǵat 11.13-te Almaty aýdany, Kúltegin kóshesindegi jekemenshik turǵyn úılerdiń biriniń aýlasynda, baspana retinde paıdalanylyp kelgen vagonshadan órt shyǵyp, jalyn 4 sharshy metr aýmaqty sharpyǵan. Tilsiz jaý tolyǵymen 46 mınýtta aýyzdyqtaldy. Onymen kúreske QR TJM Astana qalasy boıynsha TJD órtke qarsy qyzmetiniń 14 adamy men 2 tehnıkasy jumyldyryldy. Órt saldarynan 12 jasar bala gaz ıisine ýlanyp, aýrýhanaǵa tústi.

Sondaı-aq jeksenbiden dúısenbige qaraǵan túni Saryarqa aýdany Á.Moldaǵulova kóshesindegi shaǵyn otbasylarǵa arnalǵan úsh qabatty jataqhanada órt bolyp, jańa týǵan náreste men 18 jastaǵy bala kómirqyshqyl gazyna ýlanyp qaldy. Qutqarýshylardyń anyqtaýynsha, órt birinshi qabattaǵy aǵash qalqannan bastalǵan.

Tótenshe jaǵdaı ornyna dereý jetken Astana qalasy TJD órtke qarsy qyzmetiniń 20 adamy men 5 tehnıkasy jalynnyń oshaǵyn 24 mınýtta joıyp, 1 saǵat 14 mınýttan keıin tolyǵymen sóndirdi. Onyń taraǵan jalpy aýmaǵy 6 sharshy metrdi qurady. Jataqhanadan 55 adam qaýipsiz jerge kóshirildi.

Al senbi, 8 qazan kúni saǵat 22.36 mınýtta Almaty aýdany, Ónerkásip kentindegi jekemenshik turǵyn úı peshiniń aqaýy saldarynan 26 jastaǵy azamat pen 2 jáne 4 jasar eki bala gaz ıisine ýlanyp, aýrýhanaǵa jetkizildi.