Demalys kúnderi Astanada 35 mas júrgizýshi ustaldy - Jol polıtsııasy
ASTANA. 23 qańtar. QazAqparat - Ótken senbi jáne jeksenbi kúngi demalystarda Astanada rólge mas kúıinde otyrǵan 35 júrgizýshi ustaldy, dep habarlaıdy qalalyq Jol polıtsııasy basqarmasynyń baspasóz qyzmeti.
«Demalys kúnderi jol polıtsııasy qyzmetkerleri joldaǵy qaýipsizdikti baqylaý kezinde jol-kólik erejelerin buzýdyń 1158 faktisin anyqtady. 35 júrgizýshi kólikti mas kúıinde basqarǵany úshin ustaldy», - delingen habarlamada.
Belgilengen kórsetkishten jyldamdyqty asyrǵany úshin 125 kólik júrgizýshige ákimshilik hattamalar toltyrylsa, 16-syna joldyń qarsy baǵytyna shyǵyp ketkeni úshin ákimshilik sharalar qoldanyldy. Taǵy 50-ine qozǵalys kezinde uıaly telefonmen sóıleskeni úshin aıyppuldar salyndy. 38 kólik aıyp turaǵyna jetkizildi.
