Demalys kúnderi Astanada 24 mas júrgizýshi ustaldy - JPB
ASTANA. 28 naýryz. QazAqparat - Astanada demalys kúnderi jol polıtseıleri kólikti mas kúıinde basqarǵan 24 júrgizýshini quryqtady,
dep habarlady JPB baspasóz qyzmeti.
Sonymen qatar 85 júrgizýshige qatysty - bekitilgen jyldamdyqty asyrǵany, 19-na - qarsy betke shyǵyp ketkeni, 17-ne - kóliktiń tehnıkalyq jaǵdaıy, 13-ne - kólikti tıisti qujatsyz basqarǵany, 62-ne - kólikti basqarý kezinde uıaly telefonmen sóıleskeni úshin ákimshilik hattama toltyryldy. Onyń barysynda 29 kólik aıyppul turaǵyna toǵytyldy.
Barlyǵy, baspasóz qyzmetiniń habarlaýynsha, demalys kúnderi 1500-den astam túrli jol quqyq buzýshylyǵy anyqtaldy.
