Demalys kúnderi Almatyda saýda oıyn-saýyq ortalyqtary jumys istemeıdi
Almaty qalasynyń bas memlekettik sanıtar dárigeri Jandarbek Bekshınniń 10 naýryzda shyqqan qaýlysyna sáıkes, demalys kúnderi, ıaǵnı, senbi jáne jeksenbi kúnderi qalada sport keshenderi, sport-saýyqtyrý ortalyqtary men fıtnes-ortalyqtar, sondaı-aq, saýda oıyn saýyq ortalyqtary, saýda úıleri men saýda jelileriniń qyzmetine tyıym salynǵan.
Ashyq bazarlarǵa (azyq-túlik satatyn jáne azyq-túlik satpaıtyn) tek jeksenbide jumys isteýge tyıym salyndy.
Sýpermarketter men gıpermarketterdiń jumys ýaqyty saǵat 06:00-den 02:00-ge deıin shekteldi.
Sondaı-aq, qaladaǵy epıdemıologııalyq ahýaldyń kúrt nasharlaýyna baılanysty jáne koronavırýs ınfektsııasynyń odan ári taralýyn boldyrmaý maqsatynda aldaǵy demalys kúnderi, ıaǵnı, 13 jáne 14 naýryzda, qoǵamdyq kóliktiń, onyń ishinde, metropolıtenniń jumysy ýaqytsha toqtaıdy.
Qoǵamdyq kólik jumysy dúısenbi, 15 naýryz kúni josparly túrde qaıta jandanady.
