Demalys kúnderi Aqtóbe oblysynda 4 jol-kólik oqıǵasy boldy, 1 adam qaza tapty
AQTÓBE. 11 naýryz. QazAqparat - 8-10 naýryz aralyǵynda aımaqta «Qaýipsiz jol» jedel-aldyn alý operatsııasy ótti.
Bul kúnderi oblys joldarynda 4 jol-kólik oqıǵasy bolyp, sonyń saldarynan 1 adam qaza taýyp, 5 aqtóbelik azamat jaraqattandy, dep habarlady ІІD-niń baspasóz qyzmetinen.
9 naýryzda «Aqtóbe-Atyraý» tas jolynda ÝAZ kóliginiń 55 jastaǵy júrgizýshisi kólikti basqara almaı, jyraǵa aýdaryldy. Jol apaty saldarynan 85 jastaǵy áıel oqıǵa ornynda mert boldy. Sondaı-aq 74 jáne 59 jastaǵy jolaýshylar jambas jaraqatymen Shubarqudyq kentiniń ortalyq aýrýhanasyna jetkizildi. Medıtsınalyq saraptamanyń qorytyndysyna qaraǵanda, júrgizýshi mas bolmaǵan. Tergeý amaldary júrgizilýde.
Jedel-aldyn alý sharasyn ótkizý boıynsha jol qozǵalysy erejeleriniń 920 buzýshylyǵy anyqtaldy. Olardyń 31-i kólikti mas kúıinde júrgizgendigi, 82 adam - jyldamdyqty asyrǵany, 181-i qaýipsizdik beldikterin taqpaǵany úshin ustaldy.
