Demalys degen sózdi umytyńyzdar – Prezıdent mınıstrler men ákimderge
NUR-SULTAN. QazAqparat – QR Prezıdenti Qasym-Jomart Toqaev mınıstrlerge, ákimder men Prezıdent Ákimshiligi qyzmetkerlerine demalysqa shyǵýǵa tyıym saldy, dep habarlaıdy QazAqparat.
«Osymen jazdyń jartysy ótti. Mınıstrler, ákimder, Prezıdent Ákimshiliginiń qyzmetkerlerine eshqandaı eńbek demalysy joq. Óıtkeni, tótenshe jaǵdaı oryn alyp otyr. Demalys degen sózdi umytyńyzdar», - dedi Prezıdent Úkimettiń keńeıtilgen otyrysynda.
Eske sala ketsek, Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen otyrysy onlaın ótip jatyr.
Jıynda Úkimet 2020 jyldyń alǵashqy jartyjyldyǵyndaǵy elimizdiń áleýmettik-ekonomıkalyq damý qorytyndysy týraly esep berýde.
Sondaı-aq otyrysta koronavırýsqa qarsy kúreske qatysty qabyldanǵan sharalar, Memleket basshysynyń Úkimettiń aldaǵy ýaqytta atqaratyn jumysynyń negizgi baǵyttary boıynsha bergen tapsyrmalary men mindetteri qarastyrylady.
