«Demalys bazasynda úıdi jalǵa beremin»: ShQO-da talaıdy aldaǵan alaıaq ustaldy
ShQO Polıtsııa departamenti baspasóz qyzmetiniń málimetine súıensek, tártip saqshylary «Hi-tech» jedel aldyn alý sharasy barysynda tegin habarlandyrý berýge bolatyn saıttardy qoldanyp, alaıaqtyq jasaǵan Óskemen qalasynyń 26 jastaǵy turǵynyn qolǵa túsirdi.
«Áıel adam Altaı aýdany Buqtyrma kentindegi demalys bazasynda ornalasqan úılerdi jalǵa beretindigin aıtyp, talaı adamdy aldaǵan. Sóz arasynda ózine habarlasyp, úı surap jatqandardyń kóptigine baılanysty aldyn ala tólem jasaý qajettigin aıtyp otyrdy. Buǵan sengen jábirlenýshiler úıdi arzan baǵaǵa alǵylary kelip, suraǵan aqshasyn jibere salǵan. Al sodan keıin alaıaq múlde habar-osharsyz ketken», - delingen aqparatta.
Atalǵan fakti boıynsha QR QK-niń 190-baby 2-bóligine sáıkes sotqa deıingi tergeý amaldary júrgizilýde. Áıeldiń osyndaı basqa da qylmystarǵa qatysy bar-joǵy tekserilip jatyr.
