Demalmastan 30 saǵat jumys istegen áıeldiń júregi toqtap qaldy
ASTANA. 22 jeltoqsan. QazAqparat - Demalmastan 30 saǵat jumys istegen jarnamalyq agenttiktiń qyzmetkeri komaǵa túsip, jedel járdem kóliginde jan tapsyrdy.
Bul týraly Ýtro.rý habarlady.
Indonezııalyq «Young&Rubicam» jarnamalyq agenttiginiń kopıraıteri 27 jastaǵy Pradna Paramıtanyń úzilissiz 30 saǵattyq jumystan keıin júregi toqtap qaldy.
Ol bir táýlikten astam ýaqyttan keıin keńsesinen shyǵyp dostarymen birge tamaqtaný úshin meıramhanaǵa kelgen eken. Qolyna as mázirin ala bergen sátte talyp qalǵan Paramıta sol betimen esin jımady.
Indonezııalyq qyz jedel járdem kóliginde jantásilim etti. Áleýmettik jelilerde ol sońǵy kezde «jumysta túnep júrgenin» jazypty.
Paramıtanyń týystary onyń ýnıversıtet kezinen energetıkalyq sýsyndarǵa áýes bolǵanyn aıtady.
