Demalysta kún raıy qandaı bolady

ASTANA. KAZINFORM – Barıkalyq qurylymdardyń jyldam aýysýyna baılanysty aldaǵy kúnderi Qazaqstan aýmaǵynda aýa raıy turaqsyz bolyp qala beredi. 

Respýblıka aýmaǵynyń basym bóliginde jańbyr jáne qar túrinde jaýyn-shashyn, boran soǵyp, jeldiń kúsheıip, kóktaıǵaq bolady.

Shyǵysta, Qazaqstannyń batysynda qalyń qar jaýady. Respýblıkanyń ońtústiginde búkil kezeń boıy jaýyn-shashyndy (jańbyr, qar) bolady.

Temperatýralyq fonda jylyný kútiledi:

batysta túnde 13-23 aıazdan 0-10 aıazǵa deıin, kúndiz 3-12 aıazdan 10 aıaz – 2 jylýǵa deıin;

soltústik-batysta túnde 17-28 aıazdan 3-13 aıazǵa deıin, kúndiz 10-20 aıazdan 0-8 aıazǵa deıin;

soltústikte túnde 18-28 aıazdan 5-15 aıazǵa deıin, kúndiz 13-21 aıazdan 10 aıaz – 1 jylyǵa deıin;

ońtústikte túnde 3-18 aıazdan 5 aıaz – 8 jylýǵa deıin, kúndiz 13 aıaz – 5 jylýdan 5-15 jylyǵa deıin.

Shyǵysta túnde 0-12 aıazdan 10-20 aıazǵa deıin, kúndiz 0-10 aıazdan 7-15 aıazǵa deıin aýytqý kútiledi.

Ońtústik-shyǵysta túnde 0-13 aıazdan 2-16 aıazǵa deıin tómendep, kúndiz 0-13 aıazdan 5 aıaz – 8 jylyǵa deıin joǵarylaıdy.

Aıta ketelik aýa raıyna baılanysty Tótenshe jaǵdaılar mınıstrligi eskertý jasaǵan edi.