Demalysta kún raıy qandaı bolady
ASTANA. KAZINFORM — «Qazgıdromet» RMK 23-25 mamyr kúngi aýa raıy boljamyn jarııalady.
Elimizdiń soltústik, ońtústik jáne ońtústik-batysynda atmosferalyq fronttardyń ótýine baılanysty aýa raıy qubylmaly bolady, jańbyr jaýyp, naızaǵaı oınaıdy dep kútiledi.
Al shyǵys óńirlerde túngi ýaqytta jaýyn-shashyn (jańbyr men qar) saqtalady.
23 mamyr kúni Túrkistan, Almaty jáne Jambyl oblystarynda jańbyr jaýyp, burshaq túsip, ekpindi jel soǵady. 24–25 mamyrda ońtústik-shyǵystyń taýly aımaqtarynda túnde jańbyrdyń sońy qarǵa ulasýy múmkin.
Respýblıkanyń qalǵan aýmaqtarynda kóbine jaýyn-shashynsyz aýa raıy bolady. El boıynsha jel kúsheıedi, ońtústikte shańdy daýyl bolýy yqtımal. Túngi jáne tańǵy saǵattarda tuman túsedi. Soltústik-shyǵysta, shyǵysta jáne ortalyq óńirlerde túnde 1–3 gradýs úsik júredi.
Qazaqstan boıynsha kúndizgi aýa temperatýrasy birtindep joǵarylaıdy:
batysta +28…+35°S deıin,
soltústikte jáne ortalyqta +20…+32°S deıin,
shyǵysta +17…+25°S deıin,
ońtústikte +22…+35°S deıin,
ońtústik-shyǵysta +20…+28°S deıin kóteriledi.
Aıta ketelik búgin elimizdiń barlyq qalasynda aýa sapasy talapqa saı.
