Demalys kúnderi tólemderdi qabyldaýda ózgerister bolýy múmkin - Ulttyq bank
Qazaqstan Ulttyq banki ekinshi deńgeıli banktermen birlesip, eldiń tólem júıelerine ISO 20022 halyqaralyq tólem habarlamalary formatyn engizip jatyr.
Derekke qaraǵanda, halyqaralyq tólem habarlamalary standartyn qoldaný bankterde klıentke qarjy qyzmetin kórsetý tártibin ózgertpeıdi.
«Bul jumystardyń kartochkalarmen jasalatyn tólemderge esh qatysy joq. Osylaısha, halyqtyń tólem kartalary, QR-kodtar, mobıldi aýdarymdar, bankomattardan qolma-qol aqsha alý, uıaly baılanys tólemderi jáne basqa da tólemder ózgerissiz qalady.
Sonymen qatar, aqparat júıelerin baptaý qajet bolǵandyqtan, bankter tehnıkalyq jumystar júrgizedi. Sondaı kezde bankaralyq qyzmet kórsetýge baılanysty tólemderdi qabyldaý kestesinde qysqamerzimdi ózgerister bolýy múmkin (qarjy uıymdary ISO 20022-ni engizetin demalys kúnderinde)», — dep túsindirdi qarjy mekemesinen.
Qarjy mekemeleri qazir klıentterin jańa standartqa kóshýge baılanysty tehnıkalyq jumystar júrgiziletin ýaqyt týraly aldyn ala habardar etip jatyr. Bul jumystar 2024 jylǵy qarashanyń aıaǵyna deıin júzege asyrylady.
Aıta keteıik, ISO 20022 — elektrondy habarlama almasatyn álemdik standart. Ol qarjy uıymdary arasyndaǵy bıznes-protsesterdi avtomattandyrý úshin jasalǵan. Bul standartqa kóshý naryq qatysýshylaryna ISO 20022 negizinde júzege asyrylatyn jańa sheshimderge qol jetkizýge múmkindik beredi, sondaı-aq bank operatsııalaryn júrgizý kezinde tólem habarlamalaryn almasýdyń birizdendirilgen modelin qoldaný arqyly barlyq taraptyń shyǵynyn azaıtady.
