Demalys kúnderi kún raıy qandaı bolady

ASTANA. KAZINFORM – «Qazgıdromet» RMK sınoptıkteri 8, 9 jáne 10 aqpanǵa arnalǵan aýa raıy boljamyn jasady.

Demalys kúnderi eldiń batysynda, soltústik-batysynda antıtsıklon silemi bar, jaýyn-shashynsyz bolady. 

Al respýblıkanyń qalǵan aýmaǵynda atmosferalyq fronttardyń ótýinen jáne eldiń ońtústiginde tsıklon oıpatynyń áserinen qar aralas jaýyn jaýyp, kóktaıǵaq bolyp, eldiń shyǵysynda qarly boran soǵyp, ekpindi jel turady dep boljanyp otyr.  

Respýblıka boıynsha tuman túsedi.

Batysta túngi ýaqytta aýa temperatýrasy -5-13°S, soltústik-batysta -13-21°S, túnde soltústikte túngi temperatýra -7-15°S, shyǵysta jáne ortalyqta -12-20°S deıin, ońtústikte -1-ge deıin tómendeıdi.  Ońtústik-shyǵysta -5-10°S deıin, taýly aýdandarda -13-23°S deıin tómendeıdi.