Demalys kúnderi Qazaqstanda qar jaýyp, kóktaıǵaq bolady

ASTANA. KAZINFORM – «Qazgıdromet» RMK-sy aldaǵy demalysqa 12-14 qazan kúnderine aýa raıy boljamyn jarııalady.

Sınoptıkterdiń boljamynsha, aldaǵy demalys kúnderi Qazaqstan aýmaǵy arktıkalyq sýyq enýmdiń epıtsentrinde bolady, elimizdiń basym bóliginde qar jaýady, respýblıkanyń ortalyǵynda jáne shyǵysynda kóriný qashyqtyǵyǵyn nasharlatatyn qatty qar jaýady, al joldarda kóktaıǵaq kútiledi.

Qazaqstannyń ońtústigi men ońtústik-shyǵysynda jańbyr, taýly aýdandarda jaýyn-shashyn jańbyr men qar túrinde bolady dep boljanǵan. Respýblıka boıynsha jel kúsheıedi, túngi jáne tańerteńgi saǵattarda tuman túsedi.

Elimizdiń batysynda ǵana antıtsıklonnyń áserinen ashyq aýa-raıy boljanady, biraq antıtsıklon túngi temperatýranyń 5-10 gradýs aıazǵa deıin tómendeýin kúsheıtedi, qalǵan aýmaqtarda termometrler 2-10 gradýs mınýs belgige deıin tómendeıdi, tek ońtústik aımaqtarda túnde 5-10 gradýs jyly kútiledi.

Eske sala keteıik, búgin Soltústik Qazaqstan oblysynda kún sýytyp, túnimen jaýǵan qardyń arty boranǵa ulasqanyn jazǵan bolatynbyz. Sınoptıkter mundaı aýa raıy áli bir-eki kún saqtalatynyn aıtady.