Demalys kúnderi Qazaqstanda qar, jańbyr jaýady
ASTANA. KAZINFORM – «Qazgıdromet» RMK Qazaqstan boıynsha 2024 jylǵy 30 qarasha men 2 jeltoqsanǵa arnalǵan aýa raıy boljamyn daıyndady.
Sınoptıkterdiń boljamynsha, aldaǵy táýlikterde atmosferalyq frontaldy bólikterdiń ótýimen kelesi kún raıy boljanyp otyr: respýblıkanyń soltústik bóliginde qar, al ońtústik oblystarda jaýyn-shashyn jaýady.
30 qarasha jáne 1 jeltoqsanda eldiń ońtústik jáne ońtústik-shyǵys, taýly aımaqtarynda qatty jaýyn-shashyn (jańbyr, qar) jáne kóktaıǵaq bolady.
Tek respýblıkanyń batysynda atmosferalyq qysymnyń joǵarylaýy aıasynda aıtarlyqtaı jaýyn-shashynsyz kún raıy saqtalady.
Respýblıka boıynsha tuman túsip, jel kúsheıedi. Temperatýralyq fonda kúrt ózgerister bolmaıdy.
Buǵan deıin ShQO-da kún raıyna baılanysty taǵy bir aýdanda oqýshylar mektepke barmaıtyny habarlandy.
