Demalys kúnderi elimizdiń soltústiginde 8 gradýsqa deıin aıaz bolady

ASTANA. KAZINFORM – Qazgıdromet 27-29 sáýirge arnalǵan aýa raıy boljamyn jarııalady.

Sınoptıkterdiń boljamynsha, 27 sáýirde joǵary atmosferalyq qysym órisiniń yqpalymen elimizdiń basym bóliginde kún jaýyn-shashynsyz bolady. Atmosferalyq frontaldy bólikterdiń áserinen 28 sáýirde ońtústikte jańbyr jaýady, naızaǵaı oınaıdy, 29 sáýirde soltústik-batysta jáne soltústikte qatty jańbyr jaýady, burshaq jaýýy múmkin, 29 sáýirde túnde respýblıkanyń ońtústik-shyǵysyndaǵy taýly aımaqtarda jańbyr aralas qar jaýady.

Qazaqstan boıynsha jel kúsheıedi, ońtústikte jáne ońtústik-batysta daýyl soǵady dep kútilýde.

Jalpy temperatýralyq fonǵa keletin bolsaq, kúndizgi temperatýra birtindep kóteriledi, alaıda 27-28 sáýirde túnde elimizdiń soltústik jartysynda termometr baǵany 1-8 gradýs aıazǵa deıin jetedi.