Demalys kúnderi elimizdiń basym bóliginde jaýyn-shashyndy bolady
ASTANA. KAZINFORM — «Qazgıdromet» RMK 20-22 maýsymǵa arnalǵan Qazaqstan boıynsha aýa raıy boljamyn usyndy.
Aldaǵy demalys kúnderi atmosferalyq fronttardyń ótýine baılanysty elimizdiń basym bóliginde qysqa merzimdi jańbyr jaýyp, naızaǵaı oınaıdy. Jel kúsheıip, ekpini artady, keı jerlerde burshaq jaýýy múmkin. 21–22 maýsym kúnderi elimizdiń batysynda qatty jańbyr jaýady dep boljanady.
Aýa temperatýrasy 30–38 gradýsqa deıin joǵarylaıdy. 21–22 maýsymda respýblıkanyń soltústik-batysynda jáne ortalyǵynda aptap ystyq kúsheıip, aýa temperatýrasy 40–41 gradýsqa deıin jetedi. Tek batys óńirlerde ystyqtyń beti qaıtyp, aýa temperatýrasy 22–33 gradýs shamasynda bolady.
Aıta ketelik búgin Aqtóbe, Balqash, túnde Qostanaı qalalarynda aýa sapasy nasharlaǵan edi.
