Demalys kúnderi aýa temperatýrasy +32°S-qa deıin kóteriledi
ASTANA. KAZINFORM – Aldaǵy úsh táýlikte Qazaqstan aýmaǵynda aýa raıy birtindep turaqtana bastaıdy.
Respýblıkanyń soltústik-batysynda, keıin soltústiginde jaýyn-shashyn birtindep toqtap, aýa temperatýrasy kóteriledi. Al elimizdiń batysynda jaýyn-shashynsyz aýa raıy saqtalady.
Qazaqstannyń ońtústigi men ońtústik-shyǵysynyń keı jerlerinde naızaǵaı oınap, qysqa merzimdi jańbyr jaýady, jel kúsheıedi. Taýly aımaqtarda keı ýaqyttarda qatty jańbyr kútiledi. Sonymen qatar ońtústik óńirlerde jyly aýa raıy saqtalady.
Kúndiz aýa temperatýrasy elimizdiń soltústiginde +17…+25°S, ortalyq jáne batys óńirlerinde +20…+28°S-qa deıin, ońtústik jáne ońtústik-shyǵysta +27…+32°S-qa deıin kóteriledi.
