Demalys kúnderi aýa raıy qandaı bolady

ASTANA. KAZINFORM – Aldaǵy úsh táýlikte Qazaqstan aýmaǵynyń basym bóligi atmosferalyq frontaldy bólikterdiń yqpalynda bolady. 

Osyǵan baılanysty aýa raıy qubylmaly sıpatta bolady. Eldiń kóp bóliginde qar jaýyp, boran soǵady, al ońtústik jáne ońtústik-shyǵys óńirlerde jaýyn-shashyn jańbyr men qar túrinde túsedi, keı jerlerde jaýyn-shashyndy bolady. 

Tek eldiń ortalyq jáne shyǵys bólikterinde antıtsıklon jotasynyń yqpalymen jaýyn-shashynsyz aýa raıy bolady. Respýblıka boıynsha tuman bolyp, jel kúsheıip, al batys, ońtústik jáne ońtústik-shyǵys óńirlerde kóktaıǵaq bolady.

Soltústik óńirlerde aýa temperatýrasy túnde 12–23 gradýs aıazǵa deıin tómendep, kúndiz 8–18 gradýs aıaz shamasynda bolady.

Ortalyq oblystarda aýa temperatýrasy túnde 5–17 gradýs aıazǵa deıin kóterilip, kúndiz 0–10 gradýs aıaz bolady.

Respýblıkanyń ońtústiginde aýa temperatýrasy birtindep joǵarylaıdy: túnde 6 gradýs jyly men 7 gradýs aıaz aralyǵynda, kúndiz 3–13 gradýs jyly bolady.

Ońtústik-shyǵysta túngi temperatýra 0–10 gradýs aıazǵa deıin, taýly aýdandarda 12–17 gradýs aıazǵa deıin tómendeıdi, al kúndiz 3–10 gradýs jyly, taýly óńirlerde 3 gradýs aıaz ben 2 gradýs jyly aralyǵynda bolady.

Eldiń qalǵan aýmaǵynda aýa temperatýrasy aıtarlyqtaı ózgermeıdi.

Aıta ketelik qolaısyz aýa raıyna baılanysty Jetisý oblysynda jol jabylǵan edi.