Demalys kúnderi aýa raıy qandaı bolady

ASTANA. KAZINFORM — Qazgıdromet sınoptıkteri 3-5 tamyz aralyǵyna arnalǵan úsh kúndik aýa raıy boljamyn jarııalady. 

Aldaǵy demalys kúnderi elimizdiń kóp bóliginde fronttardyń áserinen jańbyr jaýyp, kún kúrkireıdi.

Al respýblıkanyń batys jáne ońtústik aımaqtaryna Eýropa aýdandarynan birtindep antıtsıklon kelýine baılanysty jaýyn-shashyn jaýmaıdy, kún ashyq bolady. 

Elimizdiń batysynda kúndiz aýa temperatýrasy +41°S deıin, ońtústik-batysta +40+45°S deıin joǵarylaıdy, qalǵan aýmaqtarda kúrt ózgerister kútilmeıdi.