Demalys kúnderi 37 gradýs aıaz bolady

ASTANA. KAZINFORM – Elimizdiń basym bóliginde tsıklon men atmosferalyq fronttardyń áserinen jaýyn-shashyndy bolady. 

Soltústik jáne shyǵys óńirlerde qalyń qar túsedi. Ońtústik oblystarda jańbyr jaýady.

Sondaı-aq ekpindi jel kúsheıip, boran soǵyp, kóktaıǵaq bolyp, tuman basady.

Tsıklonnan keıin Batys Sibir jazyǵy aýdandarynan antıtsıklon batys óńirlerge yǵysady.

Sonyń áserinen jaýyn-shashyn toqtap, aýa temperatýrasy tómendeıdi.

Túngi ýaqytta batys oblystarda aýa temperatýrasy 10–22 gradýs aıazǵa deıin, soltústik oblystarda 17–25 gradýs aıazǵa deıin, al ońtústik oblystarda 0–8 gradýs aıazǵa deıin tómendeıdi.

23 aqpannan bastap soltústik-batysta, 24 aqpannan bastap soltústik, shyǵys jáne ortalyq óńirlerde aýa temperatýrasynyń kúrt tómendeýi boljanady. Keı jerlerde 25–37 gradýsqa deıin aıaz kútiledi. 

Aıta ketelik Óskemende kóktaıǵaq saldarynan júzdegen kólik qaladan shyǵa almaı qalǵan edi.