Delta kompanııasy ushaǵynyń bortynda lańkestik oqıǵanyń aldy alyndy
ASTANA. Jeltoqsannyń 26-sy. QazAqparat - Amsterdamnan Detroıtqa bara jatqan Delta kompanııasynyń ushaǵynda oryn alǵan oqıǵany AQSh ókimeti lańkestik áreket retinde qarastyryp otyr.
«Oryn alǵan oqıǵany lańkestik áreket retinde baǵalaý kerektigine biz senimdimiz», dep habarlaıdy Associated Press Aq úıdiń ókiline silteme jasap.
Ushaq bortynda lańkestik áreket jasamaq bolǵan jolaýshynyń tulǵasy anyqtaldy. Ol nıgerııalyq Abdýl Mýdallad, dep habarlaıdy resmı derek kózder.
Brıtandyq Sky News telearnasynyń habarlaýynsha, jaýap alý kezinde álgi azamat, lańkestik áreketti jasaýǵa oǵan «Ál-Kaıeda» lańkestik toby tapsyrǵanyn málim etken.
Esterińizge sala keteıik, bul oqıǵa týraly aqparat alǵashynda munshalyqty kúrdeli bolmaǵan edi. Alǵashqy málimetter boıynsha, jolaýshylardyń biri ushyp bara jatqan ushaqtyń ishinde otshashý shashpaq bolady. Keıinnen, álgi pırotehnıkalyq buıymnyń qoldan jasalǵan bomba ekeni anyqtalady.
Oqıǵa kezinde ushaq bortynda 278 jolaýshy bolǵan, oqıǵa kezinde birneshe jolaýshy jeńil jaraqat alady. Oqıǵaǵa kináli de zardap shegedi. Ol ortasha kúıik jaraqatymen aýrýhanaǵa jetkizilgen.
