Delta Bank dırektorlar keńesiniń basshysy aýysty

ASTANA. QazAqparat - «Delta Bank» AQ dırektorlar keńesiniń tóraǵasy aýysty, dep habarlaıdy QazAqparat.

Qazaqstan qor bırjasynyń saıtynda «Delta Bank» AQ 7 aqpanda ótken aktsıonerlerdiń kezekten tys jalpy jınalysynda qabyldanǵan sheshimderdi jarııa etti.

Kún tártibindegi «Dırektorlar keńesiniń quramyn ózgertý» máselesi boıynsha, Dırektorlar keńesiniń tóraıymy G.N. Shalǵymbaevanyń ýákildigi merzimimen buryn toqtatyldy; Tileýbaev Nurlan Saqtapbergenuly myrza 10.10.2021 jylǵa deıin dırektorlar keńesiniń tóraǵasy laýazymyna saılandy.

Buǵan deıin, 2 aqpan kúni, Tileýbaevqa banktiń iri qatysýshysy statýsyn ıelenýge QR Ulttyq bankiniń kelisim bergenin Delta Bank habarlaǵan edi.