Delta Air ushaqtarynyń jolaýshylarǵa arnalǵan taǵamynan ıne tabyldy
ASTANA. 17 shilde. QazAqparat - Delta Air laınerleriniń jolaýshylarǵa arnalǵan taǵamynan ıne tabyldy. Qazir amerıkalyq áýe kompanııasy Federaldyq tergeý bıýrosymen birlesip ıneniń sendvıchke qalaı túskenin anyqtaýda.
RIA Novostı málim etkendeı, áýekompanııasynyń birden tórt ushaǵynan bıznes-sanatty jolaýshylarǵa arnalǵan sendvıchterden qarapaıym tigin ıneleri tabyldy. Olardyń ekeýi - Amsterdamnan Atlantqa, bireýi - Sıetlge, jáne bireýi Mınneapolısqa ushqan eken. Taǵamnan birinshi ıne tabylǵannan keıin áýe kompanııasynyń basshylyǵy dereý basqa laınerlerdi de qulaqtandyrady. Qaýipti býterbrodtardan tek bir jolaýshy zardap shekken - onyń ózi bolar-bolmas jaraqat alyp, aýrýhanaǵa jatýdan bas tartqan.
Kúrketaýyq etinen daıyndalyp, ishinen ıne tabylǵan sendvıchterdiń óndirýshisi - nıderlandylyq Gate Gourmet kompanııasy bolyp shyqty. Qazirgi tańda kompanııa da bolǵan oqıǵaǵa baılanysty úlken aýqymdy tekserý jumystaryn júrgizip jatyr, dep habarlaıdy Eýrazııa birinshi arnasy.
