Delsı Rodrıges: Venesýela karnavaldy beıbit túrde toılaıdy

ASTANA. KAZINFORM — Venesýeladaǵy jyl saıynǵy karnaval bıyl da birlik pen beıbitshilik jaǵdaıynda ótedi. Bul týraly respýblıkanyń ýákiletti prezıdenti Delsı Rodrıges óziniń Telegram-arnasynda habarlady, dep jazdy TASS.

— 2026 jylǵy Beıbitshilik karnavalynyń lebi Venesýelanyń ár buryshynda sezilip jatyr, — dep jazdy Rodrıges. 

Onyń aıtýynsha, ár shtat pen qaladaǵy alańdar men kósheler Venesýela halqyn biriktiretin birlikti, baýyrlastyqty jáne merekelik rýhty nasıhattaıtyn áýenmen árlengen. Shara merekelik kóńil kúıdi beıneleıtin tústerge boıalyp, otbasylyq dástúrler keńinen nasıhattalady.

Ýákiletti prezıdent karnaval beıbit jaǵdaıda demalýǵa, dástúrlermen bólisýge jáne Venesýela mádenıetin maqtan tutýǵa múmkindik beretinin atap ótti. Bılik el astanasynyń ózinde demalý úshin 47 alańdy ashty. Resmı málimetterge sáıkes, jaǵalaýdaǵy aýdandarda  qonaq úıler men jaǵajaılar halyqqa lyq toldy. Barlyq shtattarda kontsertter, gastronomııalyq jármeńkeler jáne sporttyq is-sharalar ótedi.

Aıta keteıik, osyǵan deıin Rıo-de-Janeırodaǵy karnaval 8 mln adamdy jınap, ekonomıkalyq rekord ornatýy múmkin ekeni týraly habarladyq.