Delıge bet alǵan Lufthansa ushaǵy Bakýge shuǵyl qondy
ASTANA. KAZINFORM – Frankfýrtten Delıge baǵyt alǵan Lufthansa áýe kompanııasynyń ushaǵy tehnıkalyq aqaýǵa baılanysty Bakýge shuǵyl qondy, dep habarlaıdy Report basylymy.
Basylym málimetinshe, 25 tamyzda Frankfýrt – Delı baǵyty boıynsha LH760 reısin oryndaǵan Lufthansa ushaǵynyń komandıri Geıdar Álıev atyndaǵy halyqaralyq áýejaıǵa shuǵyl qonýǵa ruqsat suraǵan.
Áýejaıdyń baspasóz qyzmeti málim etkendeı, buǵan áýe kemesiniń bortyndaǵy tehnıkalyq aqaý sebep bolǵan.
Boeing 787 ushaǵy Baký ýaqytymen saǵat 23:26-da Geıdar Álıev atyndaǵy halyqaralyq áýejaıǵa sátti qondy.
Áýejaıdyń tıisti qyzmetteri barlyq qajetti sharany qabyldady. Jolaýshylar men ekıpaj músheleriniń qaýipsizdigi qamtamasyz etildi.
Eske salaıyq, buǵan deıin Arqalyqqa turaqty áýe reısteri 33 jyldan keıin qaıta jandanǵany habarlandy.
Sondaı-aq Air Astana Almaty men Astanadan Dýbaıǵa reısterdiń toqtatylýyn 2026 jylǵy 30 qyrkúıekke deıin uzartqany habarlandy. Budan bólek, FlyArystan Aqtaý – Dýbaı – Aqtaý baǵytyndaǵy reısterdi ýaqytsha toqtatý merzimin 15 qyrkúıekke deıin uzartty.
