Delıdi qara tútin basyp qaldy, 1700-den astam mektep jabyq
ASTANA. QazAqparat - Senbi kúni Delıdegi aýanyń lastanýynan 1700-den astam bastaýysh mýnıtsıpaldyq mektep ýaqytsha jabyldy, dep habarlaıdy úndistandyq BAQ. Qaladaǵy 1747 mektep jabyldy, olarda 900 myń bala oqıdy.
«Juma kúni bolǵan otyrysta Delı qalasyndaǵy aýanyń shekten tys lastanýynan senbi kúni mektepterdi jabý týraly sheshim qabyldandy, sebebi tańǵy ýaqytta qalany qara tútin jaılaıdy», - dep málimdedi mýnıtsıpalıtetterdiń biriniń ókili Sýbhash Arıa. Mektepter dúısenbi kúni ashylady, biraq jaǵdaıǵa baılanysty basqa sheshim qabyldanýy da múmkin, dep habarlady RIA Novostı.
29-30 kúnderi bolǵan Dıvalı merekesinde atylǵan otshashýlardan keıin Delıdegi aýa sapasy «qaýipti» dep baǵalanýda. Aýanyń lastaný ındeksi (Air Quality Index, AQI) barlyq monıtorıng stansalarda 500 birlik joǵary kórsetkishter tirkeldi.
