Delıdegi qaltaǵa túsetin urylardyń kópshiligi - áıelder
ASTANA. QazAqparat - Osy jylǵy qańtar-qarasha aılarynda Delı metrosynda ustalǵan qaltaǵa túsetin urylardyń basym bóligi áıelder boldy, dep habarlady Bı-bı-sı jergilikti polıtsııaǵa silteme jasap.
Metrodaǵy qaýipsizdikti qamtamasyz etetin osy qyzmettiń málimetterine qaraǵanda, bul kezeńde urlyqqa kúdikti 293 áıel jáne 22 er adam ǵana ustaldy.
Polıtsııa urlanǵan 1,4 mln. dollar aqshany, sondaı-aq kóptegen zergerlik buıymdardy, júzdegen noýtbýkti, fotoapparatty, saǵattardy jáne uıaly telefondardy tapty.
Ótken jyly úndistandyq polıtsııa metroda 466 qaltaǵa túsetin urylardy ustaǵan bolatyn, olardyń 421-i áıelder bolyp shyqty.
