Delıdegi aýa sapasy: Joǵarǵy sot úkimetti aıyptady
NUR-SULTAN. QazAqparat - Úndistannyń Joǵarǵy soty jergilikti jáne federaldy bılikti Delıdegi tútinmen kúresý úshin eshteńe istemeıdi dep aıyptady, dep jazady VVS.
Mamandardyń aıtýynsha, Delıdegi aýanyń quramyndaǵy densaýlyqqa zııandy ýlradısperlik PM2.5 bólshekteri qalypty normadan on ese kóp.
«Qala bıligi tek avtokólikterdiń júrýin shektegen. Jup sanyna sáıkes kúnde qalada nómiri jup sanyna aıaqtalatyn kólikter, al taq kúnderi sáıkesinshe taq sandy nómiri bar kólikter júre alady. Delı jyl saıyn tunshyǵady jáne biz eshteńe isteı almaı otyrmyz. Memleket eshteńe istemeı, bar kináni basqalarǵa artyp jatyr. Bılik tek saılaý týraly oılaıdy, al qabyldaǵan sharalary tek qaǵaz úshin jasalǵan», - dedi Joǵarǵy sot múshesi Arýn Mısha.
Sarapshylar da avtokólikterden shyǵatyn gazdyń Delıdegi tútinge áseri az ekenin aıtqan. Al medıtsına mamandary qala turǵyndaryn úıden shyqpaýǵa, dene jattyǵýyn jasamaýǵa keńes berdi.
