Delıde Humaıýn kesenesiniń janyndaǵy ǵımarat qulap, 6 adam qaza tapty

ASTANA. KAZINFORM – Úndistan astanasy Delıdegi áıgili Humaıýn kesenesi janyndaǵy ǵımarattyń bir bóligi opyrylyp, 6 adam kóz jumdy. 

NDTV taratqan aqparatta habarlanǵandaı, Delıdiń Nızamýddın aýdanyndaǵy musylman áýlıesiniń ǵıbadathanasyna adamdar juma namazyna jınalǵan kezde ǵımarattyń shatyry qulaǵan. 

Oqıǵa ornynda 6 adam, onyń ishinde 79 jáne 35 jastaǵy eki er adam jáne 42, 40 jáne 40 jastaǵy úsh áıel qaıtys boldy. Taǵy 12 zardap shegýshi em alý úshin aýrýhananyń travmatologııa bólimine jatqyzyldy.

Eske sala keteıik, buǵan deıin Úndistandaǵy aýyldy qýatty sel basyp, 4 adam qaza tapqanyn jazǵan edik.