Delıde urylar Nobel syılyǵy laýreatynyń sertıfıkatyn urlap ketti
ASTANA. QazAqparat - Úndistan astanasy Delıde urylar úndi quqyq qorǵaýshysy jáne Nobel syılyǵynyń laýreaty Kaılash Satıarthıdiń úıinen Nobel medaliniń kóshirmesi men syılyq týraly sertıfıkatyn qoldy etti, dep habarlaıdy Bı-bı-sı.
Satıarthıdiń ózi qazir shetelde ekenin málimdedi. Al, urlyq seısenbi kúni tańerteń, úıde eshkim bolmaǵan ýaqytta bolǵan.
«Úıdegi esiktiń qulpy buzylǵan, meniń sertıfıkatym men medaldiń kóshirmesi, sondaı-aq keıbir zattardy alyp ketken. Biz úıden taǵy ne joǵalǵanyn tekserip jatyrmyz», - dedi belsendi.
Úndistandyq BAQ-tyń aqparatyna súıensek, urylar úıden baǵaly zattar men elektronıkany jymqyryp ketken.
2014 jyly Kaılash Satıarthı pákistandyq quqyq qorǵaýshy Malala ıÝsýfzaımen birge álemdik Nobel syılyǵynyń laýreaty atandy. Bul syılyq Úndistanda balalardy urlaý men olardyń eńbegin paıdalanýǵa qarsy kúres úshin berilgen.
