Delıde qonaqúı órtenip, 17 adam ajal qushty
ASTANA. QazAqparat - Delıdegi Arpit Palace qonaqúıinde órt bolyp, 17 adam qurban boldy. Onyń ishinde jas bala da bar, dep habarlaıdy VVS.
Bul málimetti Úndistan polıtsııasy taratqan.
Vıdeoda adamdardyń 4-qabattan sekirip jatqany kórinedi. Órt seısenbi kúni tańǵy ýaqytta bolǵan.
Bılik ókilderi 35 adam qutqarylǵanyn málim etti. Birneshe adam jaraqat alyp, aýrýhanaǵa túsken.
Qonaqúı Karol-Ba dep atalatyn ortalyq aýdanda ornalasqan. Ol jer týrısterdi bazarlarymen, saýda satatyn kóshelerimen jáne arzan baǵaly qonaqúılerimen tartady.
BAQ taratqan aqparatqa saı, ajal qushqandardyń kóbi adamdardyń bir-birin janshyp-taptaýynan ólgen. Qazirgi sátte oqıǵa neden bolǵany anyqtalyp jatyr.
