Delıde adam búıregin satýmen aınalysatyn top anyqtaldy
ASTANA. QazAqparat - Úndistan polıtsııasy Delıdegi jeke aýrýhanalardyń birinde adam búıregi zańsyz satylatynyn anyqtady, dep habarlady Bı-bı-sı.
Ázirge bul is boıynsha Apollo Hospital-dyń eki qyzmetkerin qosa alǵanda, bes adam tutqyndaldy.
Polıtsııanyń pikirinshe, kúdiktiler kedeı adamdardy ózderiniń búıregin shamaly aqshaǵa - 7,5 myń dollarǵa deıingi baǵaǵa satýǵa úgittegen.
Budan keıin kúdiktiler bul organdardy qara bazarda satyp, mol paıdaǵa kenelgen.
Dárigerler bul quıturqydan habarsyz boldy dep sanalady. Top músheleri jalǵan operatsııaǵa qatysýshylar óz búırekterin týystaryna bergen degen jalǵan qujat jasaǵan.
Al aýrýhana qylmyskerlerdiń qurbany boldy, dárigerlerdi aldap soqty dep sanaıdy. Apollo Hospital polıtsııamen yntymaqtasýǵa ázir ekenin málimdedi.
Úndistanda transplantatsııa úshin organdar jetispeıdi. Bul qara bazarda osyndaı organdardyń paıda bolýyna soqtyrýda.
