Delıde 4-qabatty úı qulady: tórt adam qaza taýyp, ondaǵan adam zardap shekti
ASTANA. QazAqparat - Úndistan astanasy Nıý-Delı aýdandarynyń birinde tórt qabatty úı qulap, tórt adam úıindi astynda qaldy, dep habarlady RIA «Novostı».
Qaıǵyly oqıǵa qalanyń soltústik bóliginde oryn aldy. Alty zardap shekken adamdy qutqaryp úlgerdi, alaıda, jergilikti bıliktiń habarlaýynsha, qulaǵan ǵımarat úıindisiniń astynda taǵy da shamamen 20 shaqty adam bolýy múmkin.
«Jalpy alty adam qutqaryldy. Olar dereý aýrýhanaǵa jetkizildi. Qazirgi ýaqytta qutqarý jumystary júrgizilýde. Úıindiniń astynda áli dep kóp adam bar ma dep qaýiptenip otyrmyz», - dep málimdedi agenttikke Úndistan bıliginiń ókili.
Sáýirde Mýmbaıǵa jaqyn Thane qalasynda zańsyz salynǵan kóp qabatty ǵımarat qulaǵan kezde 70-ten astam adam qaza tapqan, al qyrkúıekte Mýmbaıda bes qabatty turǵyn úı qulap, onyń saldarynan 60-tan astam adam kóz jumǵan bolatyn.
