Delıde 110 mektep oqýshysy gazdan ýlandy
ASTANA. QazAqparat - Úndistanda Delı qalasynyń batysynda senbi kúni 110 oqýshy gazdan ýlandy, dep habarlaıdy IANS agenttigi órt sóndirý qyzmetine silteme jasap.
Oqıǵa jergilikti ýaqytpen saǵat 07.30-da bolǵan. Gaz mekteptiń ishinen emes, onda ornalasqan konteınerlik depodan shyqqan.
Gazdyń neden shyqqany ázirge belgisiz. 30 oqýshy talyp qalyp, olardyń terisi titirkengen jáne bastary aınalǵan. Qazir olardyń jaǵdaıy birqalypty.
Delı bas mınıstriniń orynbasary Manııa Sısodııa málimdegendeı, balalar onymen sóılesý barysynda jaǵdaılarynyń jaqsy ekendigin aıtqan.
