Delıdi tyǵyz tútin basyp, adamdarǵa úıden shyqpaýǵa keńes berildi
DELI. KAZINFORM – Delıdegi tútinniń qalyńdyǵy sondaı, syrtta birneshe mınýt turǵan adam kúldiń dámin seze alady. Bul týraly Kazinform agenttigi VVS-ge siltememen habarlaıdy.
Túrli monıtorıng agenttikteri usynǵan málimet boıynsha, dúısenbi men seısenbide Delıde aýa sapasy 1200-den 1500-ge deıin nasharlaǵan. Aıta ketsek, densaýlyq úshin qaýipsiz norma - 100-den aspaýy tıis. Bul ólshemder aýadaǵy PM 2,5 jáne PM 10 qatty bólshekterdiń deńgeıin kórsetedi. Usaq bólshekter ókpege ense, kóptegen aýrý týdyrýy múmkin.
Qaladaǵy mektepterdiń kópshiligi jabylǵan. Bılik tarapy halyqty úıden shyqpaýǵa shaqyrdy. Degenmen kúnkóris úshin ashyq aýada jumys isteýge táýeldi adamdar kóshede júrýge májbúr. Alaıda júgirý, tipti jyldam júrý múmkin emes, mundaıda kóp uzamaı adamnyń tynysy tarylady.
Delılikter áleýmettik jelilerde bul jaǵdaıdyń keıingi 15 jylda birneshe ret qaıtalanǵanyn jazǵan.
Al «Lancet» jýrnaly júrgizgen zertteýinde qorshaǵan ortanyń lastanýy 2019 jyly Úndistanda 2,3 mln astam mezgilsiz ólimge ákelgenin anyqtady.
Araılym Qaldarbek