Delı soty úsh úndistandyq zorlaǵan qazaqstandyq áıelge shaqyrý qaǵazyn jiberdi
ASTANA. QazAqparat - Delı soty ótken jyldyń naýryz aıynda Karol Bagh qonaqúıinde úsh er adam zorlaǵan qazaqstandyq áıelge onyń sotta túsinikteme berýi úshin jańa shaqyrý qaǵazyn jiberdi, dep habarlaıdy The New indian Express.
Sot jábirlenýshige 2016 jyldyń 10 mamyrynda kelýi tıistigin jazǵan. Delı polıtsııasy atalǵan istiń Qazaqstan SІM-niń baqylaýynda ekenin habarlady.
Basylymnyń atap ótýinshe, buǵan deıin jábirlenýshige sotqa kelý qaǵazy jiberilgen, biraq endi qazaqstandyq azamatshanyń osy iske qatysty qandaı da bir qadamdarǵa barýy úshin 4 aı ýaqyty bar.
Eske sala keteıik, 2015 jyldyń 12 naýryzynda qazaqstandyq áıeldi Úndistan astanasynyń Karol Bagh qonaqúıinde úsh er adam - týrıstik agent, onyń kómekshisi jáne taksı júrgizýshi zorlaǵan.
Qonaqúı qyzmetkeri áıeldiń janushyrǵan aıqaıyn estigen. Ol úsh er adamnyń oǵan bas salyp, qorqytqanyna nandyrǵan. Zardap shekken jan polıtsııaǵa baryp, álgilerdiń ústinen aryz jazǵan.
Qazaqstandyq áıeldiń Úndistanda iskerlik saparda júrgeni jáne taksı men eki adamdy ony elde is júrgizýge kómektesýi úshin jaldaǵany atap ótiledi.
Qazirgi kezde er adamdar qamaýda otyr. Sot kýágerlerdiń túsiniktemelerin jazyp alýda.
