«Delı-Almaty» reısiniń jolaýshylary Almatyǵa erteń jetkiziletin boldy
ALMATY. QazAqparat - «Eır Astana» kompanııasy «Delı-Almaty» baǵytyndaǵy bógelgen reıstiń jolaýshylaryn Oman koroldigi arqyly jetkizetin boldy, dep habarlaıdy QazAqparat tilshisi.
Bul týraly Eır Astana kompanııasynyń qoǵammen baılanys departamenti málim etti.
«Almatyǵa jete almaı jatqan «Delı-Almaty» baǵytyndaǵy reıs jolaýshylary 28 aqpanda tańǵy Nıý-Delı ýaqytymen 06:30-da Almatyǵa keshki 16:50-de jetkiziledi. Ushý ýaqytyn áýe bıligi taǵy naqtylaýy tıis. Ushaq Pákistan áýe keńistiginen tys ótetin boldy. Áýe kemesi Oman koroldigindegi Mýskat áýejaıynda janarmaı quıýǵa toqtaıdy. Osyǵan baılanysty Eır Astananyń koll ortalyǵy 27 aqpanda ushýy tıis bolǵan «Almaty - Delı - Almaty» baǵytyndaǵy KC 963/964 reısi men 28 aqpandaǵy reısiniń jolaýshylaryn basqa tasymaldaýshylarmen jetkizý joldaryn talqylap jatyr.
Aıta ketý kerek, Eır Astana áýe kompanııasynyń Delı-Almaty baǵytyndaǵy reısi Pákistan respýblıkasynyń áýe keńistiginiń jabyq bolýyna baılanysty ushpaı qaldy.
