«Delfın» taıfýny Japonııaǵa jetti: 500-den astam reıs toqtatyldy
ASTANA. KAZINFORM — Japonııada «Delfın» taıfýnyna baılanysty 500-den astam áýe reısi toqtatyldy. Eldiń ońtústigindegi araldarda dúkender men kásiporyndar jabylyp, 9 avtokólik zaýyty jumysyn ýaqytsha toqtatty, dep habarlaıdy «MIR 24».
Japonııa meteorologııalyq agenttiginiń málimetinshe, Okınava aralynyń soltústiginde jeldiń jyldamdyǵy saǵatyna 200 shaqyrymǵa jetedi. Kóshelerde jol belgileri men aǵash butaqtary ushyp jatyr. Kagosıma jáne Okınava prefektýralarynda 260 myńǵa jýyq turǵyndy evakýatsııalaý jarııalanyp, ýaqytsha ornalastyrý pýnktteri daıyndaldy.
Bılik ókilderiniń habarlaýynsha, qatty jeldiń saldarynan 70 jastaǵy úsh adam jeńil jaraqat alǵan.
Naha áýejaıy juma kúni jabylyp, áýejaıdan ushatyn jáne oǵan keletin barlyq ishki jáne halyqaralyq reıster toqtatyldy.
Sınoptıkterdiń boljamynsha, tabıǵı apat Shanhaıǵa da jetýi múmkin. Halqy 30 mıllıonǵa jýyq qytaılyq qalada qatty jel soǵyp, keı jerlerdi sý basý qaýpi bar.
Buǵan deıin Japonııanyń Okınava aralyna «Bavı» taıfýny Japonııanyń Okınava jetip, atmosferalyq qysym 950 gektopaskal boldy.
