Delegattar narazylyǵy, kúrteshelerdegi QR-kod: Netanıahýdyń BUU Bas Assambleıasynda sóılegen sózi

ASTANA. KAZINFORM – Izraıl premer-mınıstriniń sózi sessııanyń shıelenisken sátteriniń birine aınalyp, Nıý-Iorktegi delegatsııalardyń demarshy men narazylyq sherýlerine túrtki boldy, dep habarlaıdy Kazinform menshikti tilshisi. 

26 qyrkúıekte Izraıl premer-mınıstri Bınıamın Netanıahý Nıý-Iorkte BUU Bas assambleıasynda sóz sóıledi. Onyń minberge shyǵýy arab, musylman, afrıkalyq jáne birqatar Eýropa elderiniń júzdegen dıplomattarynyń narazylyq tanytyp shyǵýymen qatar júrdi. 

Osy kezde zaldaǵylardyń keıbiri oryndarynan turyp, premer-mınıstrdi uzaq qol shapalaqtap qarsy alyp, demarshtan nazardy basqa jaqqa aýdarýǵa tyrysty.

Nıý-Iork kóshelerinde Taıms-skver mańyndaǵy myńdaǵan sherýshi Izraıl saıasatyna narazylyq retinde kólik qozǵalysyn jaýyp tastady.

Izraıl premer-mınıstri zalda otyrǵan tutqyndardyń otbasylaryna sóz sóılep, kepilge alynyp tiri qalǵan jıyrma adamnyń esimderin oqyp shyqty. Ol eger Izraıldiń barlyq tutqyndardy qaıtarý, HAMAS jáne Gaza sektoryn qarýsyzdandyrý, sonymen birge Izraıldiń «ótpeli» qaýipsizdik baqylaýyn saqtaı otyryp jáne beıbitshilikke daıyn tulǵalar sanynan quralǵan azamattyq ákimshilik qurý sııaqty sharttary oryndalsa, soǵys dereý aıaqtalýy múmkin ekenin málimdedi. 

- Bizdiń qaharmandar, biz sizderdi bir sátke de umytqan joqpyz. Izraıl sizderdi úılerine qaıtarý úshin bárin jasaıdy, - dedi Izraıl premer-mınıstri. 

Onyń sóziniń negizgi bóligi Iran men onyń odaqtastarynan keletin qaýip-qaterge arnaldy. 

Netanıahý atap ótkendeı, ótken jyly Izraıl «Tegerannyń ıadrolyq jáne zymyrandyq baǵdarlamalaryn joıdy, lıvandyq «Hezbolla» qozǵalysynyń múmkindikterin basyp tastady, HAMAS-tyń aıtarlyqtaı bóligin talqandady jáne Irak pen Iemendegi sheıit toptaryn álsiretti». 

Onyń sóz sóıleýi kórneki elementtermen súıemeldendi. Premer-mınıstrdiń keýdesine 2023 jyldyń 7 qazanyndaǵy shabýyldardyń túsirilimine ákeletin QR-kod bekitildi.

Ol minberden «The Curse» dep atalatyn úlken kartany kórsetip, onyń sózinshe, Iran, Iemen, Lıvan jáne Sırııadaǵy Izraıldiń negizgi qarsylastary «beıtaraptandyrylǵan» núktelerdi belgileý úshin qara markerdi qoldandy. Sondaı-aq ol Izraılge shabýyl jasalsa, Irak qarýly kúshteriniń jetekshileri «sondaı taǵdyrǵa ushyraıtynyn» qosyp ótti.

Ol sondaı-aq Gazadaǵy áskerı jaǵdaıǵa toqtalyp, «HAMAS-tyń sońǵy qaldyqtary» Gaza qalasynyń aýdandarynda turyp jatqanyn málimdedi jáne Izraıl «operatsııany áli aıaqtamaǵanyn» atap ótti, óıtkeni dushpan «7 qazandy qaıtalaýǵa qaıta-qaıta ýáde berip otyr».

Ol óz habarlamasyn basa kórsetý úshin aýdıtorııany «Izraıl nelikten jeńýi kerek ekenin bilý úshin» QR-kodyn skanerleýge shaqyrdy.

Netanıahý sheshý perspektıvalary týraly aıta otyryp, Sırııanyń jańa úkimetimen baıypty kelissóz bastalǵanyn habarlady. 

- Izraıl men Sırııa arasyndaǵy beıbitshilik ıdeıasy ondaǵan jyldar boıy múmkin emes bolyp kórindi. Búginde biz baıypty baılanystardy bastadyq jáne kelisimge qol jetkizýge bolady dep oılaımyn, - dedi ol, Sırııadaǵy drýzdardyń qyrǵynyn toqtatý týraly buıryqty ózi bergenin qosyp ótip. 

Ol sondaı-aq Lıvan «Hezbollany» qarýsyzdandyrý úshin naqty qadamdar jasasa olarmen kelisimge kelýge bolatynyna senim bildirdi. 

Izraıl premer-mınıstri sózin qorytyndylaı kele, evreı halqynyń tarıhı jolyna toqtaldy. 

- Bizdiń sarbazdar evreılerdiń myńdaǵan urpaqtarynyń armany — elimizde azat halyq bolyp ómir súrý, halyqtar úshin nur jáne progrestiń shamshyraǵy bolý armany úshin shaıqasty.

Qudaıdyń kómegimen bul kúsh bizdi jeńis pen beıbitshilikke jeteleıdi, - dep atap ótti ol. 

Zal ishindegi jáne syrtyndaǵy reaktsııa ár túrli boldy. Birqatar delegatsııa ókilderi zaldan shyǵyp ketse, premer-mınıstrdiń jaqtastary oǵan turyp qol shapalaqtady. HAMAS qozǵalysy bul sózge boıkot jarııalaý «Izraıldiń oqshaýlanýyn» kórsetti dep málimdedi. Kelesi bolyp sóz sóılegen Irlandııanyń premer-mınıstri Maıkl Martın Izraıldi «barlyq normalar men halyqaralyq quqyqtan bas tartqany» úshin aıyptady.

Halyqaralyq qylmystyq sot buǵan deıin Gazadaǵy soǵys qylmystary úshin Netanıahýdy tutqyndaýǵa order bergen, biraq ózi taǵylǵan aıyptardy «genotsıd týraly ótirik» dep qabyldaǵan joq. 

Izraıl áskerıleri premer-mınıstr keńsesiniń nusqaýymen Netanıahý sózi Gaza sektorynda shekarada jáne anklav ishindegi armııa lagerlerinde ornatylǵan toǵyz daýys zoraıtqysh arqyly taratqanyn rastady.

Premer keńsesiniń sendirýinshe, translıatsııa palestınalyqtardyń telefondaryna da jiberilgen, alaıda bul rastalǵan joq. 

Netanıahýdyń BUU Bas assambleıasynda sóılegen sózi Izraıldegi kepilge alynǵandardyń otbasylary olardy bosatý týraly kelissózdi jedeldetý úshin qysym jasaý kezinde aıtyldy.
AQSh prezıdenti Donald Tramp kepilge alynǵandardy qaıtarý týraly kelisimge «jaqyn» ekenin ashyq málimdedi. Ol buǵan deıin Netanıahýmen telefon arqyly sóılesken bolatyn, al Izraıl premer-mınıstriniń Aq úıge sapary aldaǵy kúnderge josparlanǵan.

Buǵan deıin Tramp Izraıldiń Batys jaǵalaýdy anneksııalaý josparyn synaǵanyn jazǵan bolatynbyz. 

Al Palestına ákimshiligi Gaza sektoryn tolyq baqylaýǵa alýǵa daıyn ekenin jazǵan edik.