Deldaldardyń tarıfteri men komıssııalaryna egjeı-tegjeıli taldaý júrgizilip jatyr - Sultanov

NUR-SULTAN. QazAqparat - Deldaldardyń tarıfteri men komıssııalaryna egjeı-tegjeıli taldaý júrgizilip jatyr. Bul týraly Úkimet otyrysynda QR Premer-Mınıstriniń orynbasary – Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.

«Ulttyq ekonomıka mınıstrligi ártúrli monopolııalyq operatorlar men deldaldardyń alatyn tarıfteri men komıssııalaryna egjeı-tegjeıli taldaý jasaýda. Sondaı-aq óńirlerdiń qarjylyq derbestigin keńeıtýdi kózdeıtin bıýdjetaralyq qarym-qatynastar júıelerin qaıta qaraýdy zańnamalyq bekitý boıynsha jumys júrgizilýde. «Atameken» palatasyn reformalaý sheginde shaǵyn bıznes sýbektilerin qoldaýdy jáne qorǵaýdy kúsheıtý boıynsha is-sharalar pysyqtalýda. Ulttyq ekonomıka mınıstrligi osy is-sharalardyń oryndalýyn erekshe baqylaýǵa alǵan», - dedi vıtse-premer.

Onyń atap ótýinshe, Qarjy mınıstrligi protsesterin tolyq tsıfrlandyrýmen qatar bıýdjettik josparlaýdy reformalaý, sondaı-aq memlekettik shyǵystardyń áleýmettik-ekonomıkalyq tıimdiligin taldaý ádistemesin ázirleý boıynsha is-sharalar qabyldaýda.

«Sonymen qatar, ýákiletti ekonomıkalyq operatorlardyń qyzmetine qoıylatyn talaptardy zańnamalyq qatańdatý jóninde usynystar ázirlengen. Búgin keden postaryndaǵy problemalyq máselelerdi pysyqtaý, kórshiles eldermen ózara saýdadaǵy kedergilerdi joıý, sondaı-aq kedendik pen salyq ákimshilendirý tıimdiligin arttyrý boıynsha is-sharalardy ýaqtyly qabyldaý máselelerin talqylaý úshin Almaty aglomeratsııasyna saparym josparlanyp otyr. Almaty qalasyna RF men Qyrǵyz Respýblıkasynyń tıisti qyzmetteriniń basshylary shaqyrylǵan», - dedi ol.

Vıtse-premer aglomeratsııalyq ákimshiliktermen birlesip, Almaty qalasynyń ákimdiginde saýda salasyn damytý boıynsha keńes ótkiziletindigin aıtty.

«Qazirgi ýaqytta Saýda jáne ıntegratsııa mınıstrligi Almaty qalasy men Almaty oblysynyń ákimdikterimen birlesip, saýda nysandaryn, onyń ishinde iri bazarlardyń qyzmetin retke keltirý jáne odan ári damytý máselelerin pysyqtaýda. Usynystar tsıfrlandyrýdy eskere otyryp, jańǵyrtýǵa jáne halyqtyń múddeleri eskerilip, saýda operatsııalaryn zańdastyrýǵa baǵyttalatyn bolady. Jalpy, memlekettik organdardyń jumys baǵyty Memleket basshysynyń tapsyrmalaryn sapaly jáne ýaqtyly oryndaýǵa baǵyttalady», - dedi Baqyt Sultanov.