«Delta» vırýsy álemge qaýip tóndirip tur

NUR-SULTAN. QazAqparat - «Delta» vırýsy álemdi jaılaı bastady. Buryn-sońdy bolmaǵan COVID-19 deńgeıi Frantsııanyń muhıttaǵy departamentterinde baıqaldy. Gvadelýpa men Martınıkada reanımatsııa bólimshelerinde oryn joq. Bılik týrısterden araldardan ketýdi suraıdy.

QR COVID-19 taralýyna jol bermeý jónindegi vedomstvoaralyq komıssııanyń Telegram kanalyndaǵy málimetterge qaraǵanda, Fınlıandııada pandemııa bastalǵannan beri eń joǵary aýrýdyń táýliktik maksımým tirkeledi. Naýqastardyń 90% «delta» shtamyn juqtyrǵan. Negizinen vaktsınatsııalanbaǵan 20-30 jas aralyǵyndaǵy azamattar aýyrǵan.

Sondaı-aq, Avstrııada vaktsınatsııa protsesi Sent-Stepannyń soboryndaǵy organnyń súıemeldeýimen ótti. Medıtsına qyzmetkerleriniń aıtýynsha, olar turǵyndardyń mundaı kóp kóleminiń vaktsınatsııalaýǵa kelýin kútpegen.

Ońtústik Koreıada aýrýdyń kúrt ósýi tirkeldi. Kúnine 2000-nan astam vırýs juqtyrǵan turǵyn tirkelýde, bul pandemııa bastalǵannan beri eldegi eń joǵary kórsetkish. Dárigerler bul kórsetkishter demalys kúnderinen keıin kúrt artady dep qaýiptenedi – jeksenbide el táýelsizdik kúnin atap ótedi.

Kosovo bıligi bir kúnde anyqtalǵan koronavırýs tasymaldaýshylarynyń rekordyn jarııalady. Ulttyq densaýlyq saqtaý ınstıtýty 1009 jaǵdaı týraly aqpar berdi. Kóbisi «delta» shtamymen aýyrǵan. Resmı málimetterge sáıkes, Kosovoda pandemııa bastalǵannan beri ınfektsııanyń 112 653 jaǵdaıy anyqtaldy, 2 273 adam COVID-19 asqynýynan qaıtys boldy. Kosovo turǵyndary Pfizer jáne AstraZeneca vaktsınalaryna qol jetkize alady.