«Delta» shtamynyń ereksheligi: Patsıentter ishi, asqazany aýyratynyn aıtady
Onyń aıtýynsha, koronavırýstyń «Delta» shtamynda aýrýdyń asa aýyr túri baıqalyp otyr. Sonymen qatar, bul shtamm asa biline qoımaıtyndyqtan juqtyrǵan adam aýyrǵanyn baıqamaı qalýy da múmkin.
«Delta» shtamynyń erekshelikteri: ol agressıvti, alǵashqy ýaqytta ish qatty aýyrady, ıaǵnı patsıentterdiń kóbisi ishi, asqazany aýyratynyn aıtyp jatady. Al PTR test alǵan kezde naýqastardyń ókpege aıtarlyqtaı zaqym kelgeni anyqtalyp jatyr», - dedi qalalyq Qoǵamdyq densaýlyq saqtaý basqarmasynyń basshysy Tımýr Muratov.
Onyń aıtýynsha, «Delta» shtamy óte jyldam juǵady. Onyń ınkýbatsııalyq kezeńi 7 kúnnen aspaıdy, kóptegen naýqasta 3-4 kúnde ishi aýyryp, 5-6-kúnderi jótelip, ókpesi zaqymdalady.
Degenmen, basqarma basshysy vırýs qalaı mýtatsııalansa da onymen kúreste vaktsına tıimdi bolyp qala beretinin aıtty. Ol sondaı-aq ekpeniń qalaı áser etetinin túsindirip berdi.
«Jańadan vaktsınatsııalanǵan adam vırýs tasymaldaýshy bola ala ma? Bul múmkin emes, ol adamda tiri vırýs joq. Ol aǵzada kóbeımeıdi. Vaktsınanyń maqsaty – ımmýnokompetentti jasýshalarǵa jetý jáne olardy qozdyrý arqyly, ımmýnoglobýlın túrinde jaýap alý, ıaǵnı antıdene shyǵarady. Bul jasýshanyń jady paıda bolady jáne ol vırýs kelgende jetkilikti mólsherde antıdene shyǵara bastaıdy. ıAǵnı, aǵzany qorǵaý úshin belgili bir mólsherde antıdeneler árdaıym qannyń quramynda bolady», - dep túsindirdi Densaýlyq saqtaý basqarmasynyń basshysy.
