«Delta» shtamyna baılanysty aýrýdyń kúrt ósýi baıqaldy - Kólginov
NUR-SULTAN. QazAqparat – Nur-Sultan qalasynyń ákimi Altaı Kólginov vaktsına alýǵa nıetti turǵyndardyń sany kúrt artqanyn málim etti, dep habarlaıdy QazAqparat.
«Qabyldanǵan sharalardyń nátıjesinde vaktsına alýǵa nıet bildirgenderdiń sany 5 esege artty. Eger mamyr aıynyń ortasynda kúnine 1000-1500 adam vaktsına alsa, maýsym aıynyń qazirgi kúnderi 7 myńnan astam adam egilýde. Statsıonlarlarda dári-dármek pen medıtsınalyq qural-jabdyqtardyń jetkilikti qory qalyptastyrylǵan», - dedi ákim Úkimet otyrysynda.
Sondaı-aq, ol qalada syrqattaný deńgeıiniń ósýin vırýstyń «Delta» shtamynyń tirkelýimen baılanystyrdy.
«COVID-19 indetin juqtyrǵan adamdardyń sany mamyr aıynda 10 myńnan asqan bolsa, maýsym aıynyń basynda birshama turaqtalyp, 2 myń jaǵdaıǵa deıin azaıǵan bolatyn. Alaıda maýsym aıynyń ortasynan bastap vırýstyń «Delta» shtamynyń anyqtalýyna baılanysty aýrýdyń kúrt ósýi baıqaldy», - dedi Altaı Kólginov.
