Delfın sýǵa telefonyn túsirip alǵan sulýdy qýantty
ASTANA. QazAqparat - Bagam araldarynda bıshi Teressa Sıdiń basynan tańǵalarlyq oqıǵa ótti. Delfın onyń sýǵa túsirip alǵan aıfon telefonyn taýyp alyp berdi.
Boıjetken tanysyna óziniń smartfonyn berip, ony sýretke túsirýin suraǵan, biraq jigit abaısyzda gadjetti sýǵa túsirip aldy.
«Biz Atlant muhıtynyń ortasynda júzetin platformada túsirilim júrgizgenbiz. Men telefonymdy ustaı turý úshin bireýge bergem. Biraq ol abaısyzda sýǵa túsirip aldy», - dep jazdy amerıkalyq azamatsha Instagram paraqshasynda.
Delfın sý túbine ketip bara jatqan aıfondy baıqap, oǵan qaraı júzdi. Kýágerler delfınniń aıfondy súńgip alyp shyǵyp, gadjetti adamdarǵa bergenin beınetaspaǵa túsirip úlgerdi.
Boıjetkenniń Instagram jáne Feısbýk áleýmettik jelilerine jarııalaǵan beıneni ǵalamtor paıdalanýshylary 2,5 mıllıonnan astam ret kórdi.
