Dekrımınalızatsııalaý arqyly 941 qylmystyq is qysqartyldy - QR qarjy polıtsııasy
ASTANA. 25 jeltoqsan. QazAqparat - Búgin Qarjy polıtsııasy agenttiginde Sybaılas jemqorlyqqa jáne kóleńkeli ekonomıkaǵa qarsy kúres boıynsha qoǵamdyq keńestiń otyrysy ótti.
Otyrysta eki másele qarastyryldy: «Shaǵyn jáne orta bıznes qyzmetine negizsiz aralasý faktilerin boldyrmaý boıynsha qabyldanǵan is-sharalar týraly» jáne «Qarjy polıtsııasy agenttiginiń óz qatarlaryndaǵy sybaılas jemqorlyqpen kúres boıynsha qabyldaǵan is-sharalary jáne kezekten tys attestattaýdyń nátıjeleri týraly».
Otyrysty alǵy sózben Qoǵamdyq keńestiń tóraǵasy Qazaqstan Respýblıkasy Senatynyń depýtaty, «Nur Otan» HDP janyndaǵy Sybaılas jemqorlyqqa qarsy kúres Respýblıkalyq qoǵamdyq keńesiniń tóraǵasy Oralbaı Ábdikárimov ashty.
Ekonomıkalyq jáne qarjylyq qylmystardy ashý departamentiniń bastyǵy Janat Álımanov óziniń baıandamasynda Agenttik Elbasynyń ınvestıtsııalyq jaǵdaıdy jaqsartý boıynsha tapsyrmasyn oryndaý maqsatynda 2011 jyly eki kezeńde qylmystyq zańnamany dekrımınalızatsııalaý jáne izgilendirý boıynsha jumys júrgizgendigin aıtty.
Nátıjesinde QR QK-niń 5 baby tolyq, 23 baby ishinara dekrımınalızatsııalandy, keıbir baptar boıynsha qylmystyq jaýapkershiliktiń bastalatyn eń tómengi soma tabaldyryǵy joǵarylatyldy.
Dekrımınalızatsııalaý arqyly 941 qylmystyq is qysqartylyp, tergeýge deıingi tekseristiń 321 materıaly boıynsha qylmystyq is qozǵaýdan bas tartyldy.
