Dekrettik demalystaǵy arý «Miss Virtual Kazakhstan» baıqaýynda jeńimpaz atandy
ASTANA. QazAqparat - «Miss Virtual Kazakhstan - 2018» jyl saıynǵy sulýlyq baıqaýynda 26 jastaǵy Atyraý arýy Aızada Jolmaǵambetova jeńimpaz atanyp, bas júlde - Nissan Almera kóligine ıe boldy, dep habarlaıdy QazAqparat baıqaýdyń Instagramdaǵy paraqshasyna silteme jasap.
Baıqaýda jeńimpaz atanǵan atyraýlyq Aızada Jolmaǵambetova - bir ul tárbıelep otyrǵan dekrettik demalystaǵy ana.
«2016 jyly turmysqa shyǵyp, 2017 jyly ana atandym. Qazirgi tańda dekrettik demalystamyn. Mıss Vırtýal konkýrsyna qatysý arqyly óz-ózime degen senimdiligim artyp, qyzyqty adamdarmen tanystym. Dekrettik demalys, sonyń ishinde Mıss Vırtýal KZ konkýrsy - ózimniń jańa qyrlarymdy ashýǵa múmkindik berdi», - dedi konkýrs jeńimpazy Aızada Jolmaǵambetova.
Aıta keteıik, sulýlyq baıqaýynyń fınaly 2018 jyldyń 5-19 aqpany aralyǵynda jasyryn ınternet-daýys berý arqyly ótken. Oǵan Qazaqstannyń túrli óńirinen 16 boıjetken qatysty.
