Dekrettegi ata-ana tabys tapsa, járdemaqy nege toqtap qalady – Tamara Dúısenova jaýaby

ASTANA. KAZINFORM – Premer-Mınıstrdiń orynbasary Tamara Dúısenova dekrettegi analar tabys tapsa, balanyń 1,5 jasyna deıin beriletin tólem nege toqtatylatynyn túsindirdi.

Onyń aıtýynsha, Áleýmettik kodekske sáıkes, saqtandyrý júıesi bala kútimine baılanysty ata-ananyń joǵalǵan tabysyn óteıdi.

– Zańda dál osylaı kórsetilgen. Osyǵan baılanysty, sábıdiń anasy nemese ákesi balany kútý úshin úıde otyryp, burynǵy tabysyn almasa, oǵan jalaqysynyń 40%-y kóleminde ótemaqy tólenedi. Eger ol jumysqa shyqsa jáne jalaqy alsa, bul jaǵdaıda, zańǵa sáıkes, eńbekke qabilettilikti joǵaltýǵa baılanysty tólemder toqtatylady, - dedi T.Dúısenova Úkimet úıindegi brıfıngte.

Degenmen, T.Dúısenova elimizde bala týǵanda beriletin, kútimi úshin beriletin túrli járdemaqy bar ekenin atap ótti.

– Kópbalaly otbasy bolsa, bul tólemder toqtatylmaıdy jáne ári qaraı tólenedi. Biz ata-analardy qoldaý retinde, eger olar jumys istep, tabysyn saqtap qalsa, olardy basqa kózderden – respýblıkalyq jáne jergilikti bıýdjetten tólenetin basqa járdemaqylar arqyly yntalandyramyz, - dedi T.Dúısenova.

ShQO-da 780 áıel dekrettik tólemdi arttyrý úshin jeke kásipker retinde tirkelgenin jazǵan bolatynbyz.