Dekoratsııa basyp qalǵan Petropavl turǵynyna Astanada ota jasaldy
PETROPAVL. QazAqparat - Dekoratsııa basyp qalǵan 22 jastaǵy boıjetkenge Astanadaǵy Travmatologııa jáne ortopedııa ǵylymı-zertteý ınstıtýtynda ota jasaldy, dep habarlaıdy «QazAqparat» HAA tilshisi.
Boıjetkenniń anasynyń aıtýynsha, ota sátti ótken. Júıkesine zıyn zııan kelmegen, júre alady. Oǵan jarty aı otyrýǵa bolmaıdy. Jalpy qulan-taza aıyǵý úshin keminde bir jyl qajet.
Eske sala keteıik, 19 naýryz kúni Petropavl ortalyǵynda merekege arnalyp qurylǵan dekoratsııa jas qyzdyń ústine qulap, ol jedel aýrýhanaǵa jetkizilgen bolatyn.
Petropavl qalasyndaǵy №3 aýrýhanasy bas dárigeriniń orynbasary Rýslan Tasov ústine kórneki arka qulaǵan qyzdyń jaǵdaıy aýyr bolǵanymen, turaqty ekendigin aıtqan bolatyn.
«Qyz esin jıǵan. Jýyq arada konservatıvtik em jasalady. Mundaı jaraqat uzaq ýaqyt emdeý jáne ońaltý kýrsyn qajet etedi. Astanalyq mamandarmen aqyldasyp, sodan soń ota jasaý týraly sheshim qabyldaımyz», - degen edi R. Tasov.
Boıjet Astanada anasymen birge on kúndeı bolady.
